Ayeuna usum pilkada
Nu milih sok pada beda
Tong gelut Sanajan beda
Sukses keun taun pilkada
Omat ulah salah milih
Bisi hate jadi peurih
Ulah Neangan nu leuwih
Komo Deui nuteubersih
Ujang eneng bapak ibu
Sok kaditu buru buru
Milih pamimpin nu khusu
Kana shalat anu fardhu
Regepkeun abah pepeling
Tong dipilih tukang maling
Komo anu resep pingping
Nu kitu conto teu Eling
Omat Kade ulah golput
Eta pagawean butut
Pilih najan kabeh butut
Geus jadimah sugan tumut
Dari pada milih salah
Meningge indit ka sawah
Gawe segut moal gaplah
Hate bungah dahar ngeunah
ayeuna tahun pilkada
pilihan loba nu beda
kahade ulah pasea
bisi asup ka naraka
teu saeutik jalma leutik
ditipu ku intrik-intrik
majar bakal meunang milik
padahal mah kur pulitik
milih mah pek saha wae
lamun teu milih TEU hade
entong sok mamawa hate
bisi matak hese sare
hayu urang nganiatan
nyieun hiji perubahan
baraya tong pepegatan
bisi jadi balad setan
sakitu heula nadhoman
niat mah silih ngemutan
sing jadi cukang lantaran
baraya janten nambihan
Tidak ada komentar:
Posting Komentar