Lagi Sunda Kang Ibing - Bentang Ngiceupan Di Langit Kamelang

Lagu : (J) Eulis mun akang datang ka DAMAS Haté liuh mapay tapak gandrung Carita anu geus lawas Teu daék laas, duh (M) Engkang mun datang mangsa Mimitran Haté peurih mapay tapak asih Carita urang duaan Angger némbongan, duh (J) Si horéng duriat Angger natrat ngagurat Duh asih nu wening Dengdeng nganteng anteng (M) Si horéng kanyaah Angger nganteng teu pisah Duh asih nu urang Langgeng pageuh deudeuh Lagu : Haturan-haturan Hatur-haturan wilujeng sumping] 2x Sumping damping di DAMAS Sasarengan gogonjakan] 2x} 2x (M) Tepang raray nu munggaran Imut nungtun liwung gandrung Wening asih ngahariring Ingkeun teundeun sampeur tineung (J) Basa tepang nu munggaran Urang guntreng sakedapan Aya galindeng nu nganteng Haréwos jeroning batin (M) Hé angin peuting nu tingtrim Anu ngarti bari surti Tepikeun getering batin Éndahna puisi ati (J) Apan tepang téh munggaran Biheung urang tepung deui Dareuda galindeng rasa Ingkeun teundeun sampeur tineung (M) Na kasaha kudu balaka Nembrakkeun tungkusan kalbu Na kumaha kudu nyarita Nyampaykeun rasa katresna (J) Na kasaha kudu balaka Nyangreudkeun tatali asih Na kumaha kudu nyarita Maheutkeun rasa katresna (M) Sakapeung sok nanya diri Na kunaon haté bet gandrung Mitineung kanu saurang Liwung gandrung ngalanglayung (M/J) Kacapi nu jadi saksi Nyaksian lalakon diri Rumpaka natrat nyarita Tandaning kuring micinta Narasi : Eulis, basa salira munjungan dina mangsa wawanohan. Galindeng soanten asa kapireng, “akang, nepangkeun abdi…”. Duh, soca nu cureuleuk ngolébat dina lolongkrang kiceup. Salira tungkul nyumputkeun imut, lambey ngawet mipit asih. Sajorélat kiceup ngampih. Salira mah moal terang, antara harepan jeung hariwang sok inggis asih nogéncang, haté dipuntangan bingbang. Lagu : (J) Eulis akang téh bingbang Lami basa mimitran Eulis duh buah haté Iraha akang ka bumi Eulis akang ngantosan Nganti naon putusan Eulis duh kembang soca Piraku nu geulis téga Kapan urang sasarengan Melakkeun tangkal harepan Tepang téh teu acan lami Piraku paturay deui Narasi: Sakapeung akang sok hayang tumanya kanu keur kabeulit ku asih, naha naon ari cinta? Nu datangna tara bébéja, lamun indit tara pamit. Da geuning sakapeung sok malik nanyakeun. Mun duriat dihalang-halang, naon nu jadi alesan? Naon nu jadi lantaran? Lagu: (M) Naon nu jadi alesan Naon nu jadi lantaran Naon nu jadi ukuran Duriat dihalang-halang (J) Naha urang bet patepang Naha asih bet sirungan Boa haté teh longkéwang Duriat mah ukur impian (M) Nu lepat mah boa tepang salah mangsa Bibit asih biheung deui manjing wanci (J) Salira mah balébat ti belah wétan Pamohalan mun kudu tepung jeung layung (M) Saha nu rék disalahkeun Saha nu rék dibongankeun (J) Saha anu rék nulungan Nu salah mah bongan sorangan Lagu: Di imah kuring nu indung Pujaan bapa pinasti, deuh Da bongan lampah kaula Tékad rék sumerah diri Rék dihideung rék dibodas Ceuceu akang nu masini, deuh Rumasa kuring mah dusun Taya basa tuna harti, deuh Di DAMAS éstuning nyemah Nganti asih ti pribumi Tékad diri rék sumerah Teu maksad ngabibisani #LaguSunda​ #LaguLawas​ #LaguSundaKangIbing​ #KangIbing​