Carpon - “ NUSANTARA IBU KOTA ANYAR” (Itang Supriatnna)

Carpon

“ NUSANTARA IBU KOTA ANYAR”

     (Itang Supriatnna)

“Ceuk uing  Iroh ,meunggeus tong mikir hayang pundah-pindah sagala rupa, ning ge mumule lembur nu geus puguh  jugrugna  lengkepan pakakasna, pikirkeun kasajahtraan wargana.Tong  sok mokaha bisi baruntak antukna.Geus puguh keur prihatin sagala weriit.

‘Ari iroh! Jumad mairan, “ riweuh soteh cek urang nu leutik , nu heureut pikir ,sarwa susah, nu mun dahar ge,.gep kurupuk, gep kurupuk, mun undak ge lotek atawa karedok,..Maraneh namah ieuh iroh,, nu jadi udagan nage  langit katujuh, hayang ngahontal kasampurnaan hirup. Majar teh urang nyangherupan dunya nu kiwari bancang pakewuh,” Naon cenah. “cek salah sahiji inohong di Cadisdikwil 6 mah disebutna teh “VUCA”.

“Alaah... beki lieur Jumad cek Iroh bari kerung,” Hartikeun atuh ngarah ngarti,,!

“Enya volatile hirup sarwa gancang, Usartain , sarwa te jelas ,Compleks ,sarwa bingung, ambiguouss sarwa loba harti, mun geus kitu ceuk maranehna nu daharna keju,  bangsa urang kudu boga karakter resilien ,bisa ngagurinjal , bisa kaluar tina rupa-rupa bancang pakewuh tadi,, kaasup mindahkeun ibu kota ka tempat nu anyar,,

Jumad; “Pantes namah bari ngopi ngobrol teh,

Iroh : “Euleuh,, aya kugumasep nya agan Jumad, ma Iroh ngaleos ngusap birit ka jero dapur. Kurunyung Ma Iroh mawa cai kopi panas. Sidik tina gelas  ngebul awun-awun na kaluhur ngajaul ngajomantara sengit khas kopi kapal api nu cangkang na pulas beureum nubruk irung jumad meleber sengitna ,

‘..Tah kopi teh, “Ceuk  Ma Iroh. (bari sok nendeun gelas kana talupuh awi gombong nu herang balas  ka sorang ku suku jeung didiukan ku bujur),

” Nuhun ah,bet surti kana karesep,’ cek Jumad , bari gap kana gelas nu eusina cai kopi , terus diantelkeun  biwir gelas teh,  kana biwir manehna nu jeding genteul baris  ngabako, suruputt, suruputt, nepika tilu kalina, “ waduh, amis manis cai kopi teh, siga nu nyieuna na ,he, he, cek Jumad.

“Lah .mimitina  ngagombal ,, ma iroh seuri koneng asa kaalem. ‘.

“Lain ieuh Jumad ari tadi ngomong naon uing mah homo ngarti, ulah sok leuleuwihi ari nyarita  jiga nu enya we maguron! “cek ma Iroh. Bari gek diuk dina bale -bale.

 Jumad kerung  sigana ngopepang otakna keur neangan ide ,rek mere tesis anyar keur nyambungkeun nu tadi, ”Heueuh kieu gera iroh, mangsa kiwari dunya nu disebut era industri 4,0 geus te bisa dipungkah contona; patalimarga aya ojeg, aya greb,te kudu megat dijalan cicing di imah kari buka aplikasina pesen klik ,,te lila ngurunyung hareupeun, warung eceran kasilih ku   warung online, meuli jeung ngajual kaperluan oge online,  naon gening aya istilah ceodah, jeung atawa ces and carry,bayar lunas naon?

‘lain ceu odah Jumaaad, COD, “ma iroh nyempad,

“Heueuh eta  kitu maksud namah, Jumad malik nempas. Sabeh ditunamah dunya teh majuna estuning gancang ,nya te jentre, ngbingungkeun,oge te bisa dicekek omongan nana, isuk kitu, sore kieu, sore kieu ,peuting lain, keur nu leutik mah model urang lah, lieur weh...

.”Ngopihela nya ,Jumad menta kasaluyuan  iroh, ,,

”atuh karihempek  emplod eta kopi teh,”cek iroh sigana nu keuheul.

”Naon iroh emplod,?

“Ih meni te paham nya, istilah ayena mah mun nyokot atawa ngewat barang  teh kapan Aplodd..

.”Ari jumad rupa pinter tapi ngoleg otak tah ! “Ceuk ma iroh bari koloyong ka jero imah, ‘’Rek kamana? Cek Jumad.

 “Nyokot hela goreng pisang, bisi we cape keh,

‘’Nuhun ah cek jumad. Bari nyokot udud keretek jarum coklat tina sakuna, terus maut sabatang ,kusiwel ngaluarkeun geretan cap MU_Mencester United  cekes dihurungkeun ,nyooot diseuseup udud jarum coklat teh, sereubung haseupna ngajaul kaluhur  kaluar tina liang irung jumad nu rada ronghok  buluna geus lila te kaurus te di babad.

” Ke helanya nyaah, yeuh goreng pisang cau lampe... Neng,,.

“Terus kumaha Jumad, lamun Rezim ayena keukeuh mindahkeun huluwotan nagara ka luar Jawa? “Ma  Iroh bangun panasaran jawaban Jumad.

“Nya can tangtu! Ceuk Jumad bari leungeun kencana nguceskeun kuntung rokok keretek coklat kana sisi cemped bale-bale imah.

“Nahaa, can tangtu? Iroh rada nyorongot.

“Ieuh Iroh, nagara teh lain diurus ku Eksekutif wungkul, aya yudikatif  jeung legislatif  jeung sekeseler komponen bangsa sejen na , kudu sapruk atuh meureun , Lamun mah geus sasaluyuan kabeh karek bisa pindah eta ibokota teh nu dibere ngaran “Ibu Kota Nusantara “

“Ceunah akang teh Pangawas sakola, ceuk Iroh bari neuteup seukeut ka Jumad,

“Ari kitu ? Jumad kerung bari ngalieuk ka Iroh.

Iroh, “Kapan akang teh komponen bangsa, heueuh para pengawas jeung Ibu kapala Dinas cabang genep bisa meureun ngusulkeun ka nu ngawasa nagara ayeuna mentong dipindahkeun kituh Ibu Kota nagara teh?

“Beu ,Iroh, Iroh,.caageurr. Cag ah._Jumad ngaleos bari nutup leptopna.

“ Jumaadd! Kumaha ibu kota nagara teh? “ ceuk ma iroh keuheul.

‘Ah, pikiran we olangan...