Muhawarot

Kelompok Perempuan

Teteh - teteh nuju naon nalongkrong
Acuk diklinting udelna katembong
Jaba tiktokan make bet buka kerudung
Teu isin disorot sakampung
Cing cobi insaf janten istri nu sholehah
Sok ngaos masantren tong ogah

Apan ayeuna teh zaman moderen

Tampilan modis katinggalna keren

Apdet s’tatus biar orang pada kenal

Disanjung dipuja dan viral

Jeung abdi insaf kita teh generasi Z (zet)

Gunakan dan pake internet

Teknologi canggih jaman ayeuna
Dina Qur’an ge disebat ayana
Ulah dugika hilap kana tugas hirup
Pikeun ibadah hirup nyekrup
Hayu urang tobat jadi penerus islam
Ciptakan dunya aman tentram

Ayeuna abdi sadar sareng insaf

Hirup ibadah ka Alloh-na madep

Ngangge raksukan nu buni teu tembong orat

Sieun bebendon di akhirat

Hayu atuh ayeuna urang malasantren

Da hirup ku kitu ge keren

Kelompok Laki-laki

Akang-akang nuju naon ngariung
Jam-jaman nga-gem bet poho ka indung
Boa-boa sholat oge kapopohokeun
Sakola ngaji dilulikeun
Cing cobi insaf jadi generasi sholeh
ngaos masantren tong campoleh

Pan ayeuna teh zaman teknologi
Bermain gejet (gadget) hiji hal nu pasti
Teu aya sondah, galah, boyboyan di lapang
Cukup layar hp di tangan
Apakan gen-z (zet) mah internet jeung kuota
Kita genggam alam semesta

Teknologi canggih jaman kiwari
Dina Qur’an disebat bet tong lali
Ulah dugika hilap hirup kudu mayun
Ibadah ka Alloh Nu Agung
Hayu urang saradia ngamalkeun islam
Jadikeun dunya aman tentram

Abdi insaf rek ngatur kahirupan
Mayun ka Alloh ibadah nu nyaan
Indit masantren sakola ngaos di pondok
Moal luncat ti luhur tembok
Ka guru sareng musa’id bade satuhu
Ka sepuh patuh oge tangtu

Sadayana:

Para sepuh para guru do’akeun

Abdi masantren tolab elmu leukeun

Maca nulis ngitung nalar getol ngapalkeun

Sagala elmu dihuapkeun

Mugi Alloh ngalimpahkeun hidayah topek

Sholehna abdi ngajangelek