Idul Adha 1443 | momen meuncit jeung adab-adabna.

Idul Adha 1443

Pelajaran di Pun Bapa Apa Uyu Wahyudin dina saperkawis kumaha meuncit.

Assalamu'alaikum. Wr. Wb.

Bismillah.

Dina saperkawis meuncit teh aya ijab kabulna.

Aya meuncit qurban, aya meuncit aqiqah (kangge murangkalih anu nembe dilahirkeun), aya oge meuncit nadzar. Bahkan ti pun bapa make bet aya meuncit ekah nyaeta  meuncit kangge sepuh anu nembe ngantunkeun, hartosna, ka ahli waris atanapi saha bae ti antawis kulawargina aya nu ngantunkeun, teras bade ngayakeun acara ngadu'a/hadiah kangge mayit, tah peupeuncitanana teh disebat ekah. (Istilah di palemburan sok kadang aya benten sebatan, mangga bae, tong matak ngajantenkeun papaseaan).

Adab-adaban meuncit anu katampi,

Ijab kabul

Ijab kabul Qurban atanapi Udlhiyah.

Allohumma inna hadza udlhiyata ANU BIN ANU fataqobbal minhu/minna.

Ijab kabul (qobul) Aqiqah

Allohumma inna hadza aqiqota ANU BIN ANU fataqobbal minhu/minna.

Ijab kabul (qobul) ekah

Allohumma inna hadza ekah ahli waris ANU BIN ANU fataqobbal minhu/minna.

Ijab kabul (qobul) nadzar

Allohumma inna hadza peupeuncitan nadzar ANU BIN ANU fataqobbal minhu/minna.

==========

Prakna meuncit:

1. Bedogna sing seukeut

2. Sato peupeuncitan payunkeun ka kiblat

3. Baca do'a ....

[

الله اكبر - الله اكبر - الله اكبر

لا اله الا الله - الله اكبر

الله اكبر ولله الحمد 

] 3x

[Ijab-qobul]

[bismillahi allohu akbar] 

4. Geresel meuncit

5. Baca do'a ba'da meuncit

[

الله اكبر - الله اكبر - الله اكبر

لا اله الا الله - الله اكبر

الله اكبر ولله الحمد 

] 3x

[Sholawat - (nu imkan)]

[cunduk kana waktu, ninggang kana mangsa, tihin pinasti ruh anjeun dicabut ku Gusti.

 Gusti, Alloh anu agung, nyanggakeun ieu ruh hewan kagungan Gusti.] 

6. (Paleuleuwih - ) Candak taneuh, wewelkeun kana bahamna, papaykeun nyieun garis ti hulu ka buntut, suku hareup jeung suku tukang. Beres kitu, gambar sato saarah jarum jam ti hulu ka hulu deui (kawas ciri dina TKP - tempat kajadian perkara), - tawis asih- di dieu tos dikurebkeun sato si anu. (Upami kersa eta oge. mangga we kumaha.)

7. Wudlu (Nyumputkeun perkara biasa dina ibadah.) nyaeta boa-boa ngumbah geutih nu mecret kana panangan atanapi sampean. sasarina mah ngawasuh bedog, sakantenan bae ngawasuh salira ku wudlu.

Cekap 

Alhamdulillah.