KAWIH KAULINAN BARUDAK - KAWIH SUNDA BISA BIKIN NOSTALGIA II

Trang-trang Kolentrang

Trang trang kolentrang Si londok paeh nundutan Tikusruk kana durukan mesat gobang kabuyutan

####################

Tongtolang Nangka

Tongtolang nangka

Kawinan Bapa

Poe Salasa

Teu beja-beja

duh aduh bapa

ulah ngadua

anak geus rea

banda teu boga

aduh aduh si bapa

nganyeunyeuri ka ema

bapa mah suka-suka

jeung ngora

####################

Tokecang

Tokecang tokecang

bala gendir tosblong 

Angeun kacang

sapariuk kosong

Aya listrik di masigit

caangna ka pabrik cina

Aya istri jangkung alit

karangan dina pipina

####################

Tilir

Tilir endong celentong

sae asa jagong

anjing diudag bagong

lumpat ngeplos ka kolong

####################

Sur Ser

Sur ser sur ser

Angeun aing acan asak

Disuluhan ku kaliki

Kaliki beunang meulahan

Meulahan ku peso raut

Dug dug dug bro sambel laja, dug dug bro sambel laja … 

Sur ser sur ser

Asak-asak angeun aing

Disuluhan ku taropong

Taropong tamiang sono

Dug dug dug bro sambel bojong, dug dug bro sambel bojong …

Panoongan: https://cerdikindonesia.pikiran-rakyat.com/edukasi/pr-863789202/lagu-daerah-sur-ser-asal-jawa-barat-lirik-arti-dan-makna

####################

Slep dur

Slep dur, slep dur,

Dilas dipan dipan debur,

Kahijina kaduana Katiluna kaopatna,

Kalimana kagenepna,

Katujuhna nu pandeuri

Panoongan: https://id.wikibooks.org/wiki/Permainan_Tradisional_Sunda/Slep_Dur

####################

Paciwit-ciwit lutung

Paciwit-ciwit lutung,

Si lutung pindah ka tungtung

Paciwit-ciwit lutung,

Si lutung pindah ka luhur

####################

Oray-orayan

Oray-orayan

Luar leor ka sawah

Entong kasawah

Parena keur sedeng beukah

Oray-orayan

Luar leor ka kebon

Entong ka kebon

Di kebon loba nu ngangon

Mending ka leuwi

Di leuwi loba nu mandi

Saha anu mandi?

Anu mandina pandeuri

Oray-orayan

Oray naon

Oray bungka

Bungka naon

Bungka laut

Laut naon

Laut dipa

Dipa naon

dipandeuri kokok koook..... || Di pandeuri, ri, ri, ri, ri . . . blos!

Panoongan: https://www.anakbisa.com/kb/oray-orayan/

####################

Larkili

1.      Larkili lar kacapi

Nu nabeuh arja

Disindenan ku ceu Iti

Estu matak kelar ati

2.      Pa cili peuting ngimpi

Jumeneng raja

Beurat beunghar sugih mukti

Diugung di pusti-pusti

3.      Larkili lar kacapi

Nu nabeuh arja

Direbaban ku Mang Wira

Ngareunah teu kira-kira 

4.      Pa Cili peuting ngimpi

Jumeneng raja

Ni’matna teu kira-kira

Disembah ku sanagara

5.      Larkili lar kacapi

Nu nabeuh arja

Dikawihan ku Ceu Anah

Estu matak kelar manah

 

6.      Pa Cili peuting ngimpi

Jumeneng raja

Hate matak suka bungah

Dihormat disarembah

7.      Larkili lar kacapi

Nu nabeuh Arja

Diketukan, dikenongan

Dikempulan digoongan

8.      Pa Cilik peuting ngimpi

Jumeneng raja

Pinanggih jeung kasenangan

Kanugrahan, kaagungan

http://20lagurakyat.blogspot.com/2013/12/larkiri.html

####################

Cis kacang buncis

Cis kacang buncis nyengcle

Di anggo lati inem                     

Nu geulis ancla-encle

Jeung aluman alimen

Cis kacang buncis nyengcle

Di anggo lati kuda                       

Nu geulis tembong pingping

Keun wae keur kaula

####################