'IDUL FITHRI
'ID hartosna kembali, FITHRI hartosna kasucian, jadi idul fitri teh kembali kana kasucian, bersih tina dosa perdosaan, sakumaha paribasa arab
لَیسَ العِیدُ لِمَن تَجَمَّلَ بِالِّلبَاسِ وَالمَرکُوبِ
اِنَّمَا العِیدُ لِمَن غُفِرَت لَهُ الذُّنُوبُ
"Lebaran sanes pikeun jalma anu gigindingan dina pakean sareng kendaraan, tapi hakekat lebaran pikeun jalma anu di hampura tina dosa perdosaan".
HUKUM SHOLAT 'ID
Menurut imam syafii sareng imam malik solat 'id hukumna sunat, bahkan muakkad, menurut abu hanifah fardu aen, menurut imam ahmad fardu kifayah.
Ket: hasyiyyah bajuri juz 1 hal 224, perc alawiyyah.
WAKTU SHOLAT 'ID
Waktu sholat 'id nyaeta diantara bijil panon poe dugika zawal (lingsir), upami tos kaluar waktuna(dzuhur) maka sunat di qodoan.
Waktu anu utami dina idul fitri mah rada siang, supaya tiyasa menangkeun fadilah masrahkeun zakat fitrah sateuacan solat 'id. Dina idul adha mah sunat awal waktu, supaya leluasa waktuna pikeun mencit qurban.
TEMPAT SHOLAT 'ID
Pelaksanaan solat 'id upami mesjidna lega mah utama keneh di mesjid, margi mesjid pang mulyana tempat anu aya di muka bumi sareng langkung bersih di banding tempat anu sejen.
Tapi upami mesjidna teu tiasa nampung jamaah maka utama keneh di musholla (tempat solat salian mesjid) naha di madrasah atawa di lapang. margi Rosul oge sholat 'id di musholla (lapang), pedah teu cekap mesjidna.
PASUNATAN DINA 'ID
Dina dinten lebaran aya sababaraha pasunatan, di antawisna:
1). Dina idul fitri sateu acan berangkat sunat barangtuang, naha di bumi atawa di jalan sateuacan prak sholat, upami nyengker (henteu barangtuang) hukumna makruh.
Dina idul adha mah sunat nyengker dugika beres sholat id.
2) Adus, ieu berlaku kasatiap jalma sanajan teu ngamaksud ngahadiran sholat 'id.
ari waktuna sabada satengah wengi anu ka duana.
3). beberesih ku jalan nyabut/ngurud bulu-bulu, neukteukan kuku, ngaleungitkeun bau sareng make sesengitan.
4). make pakean anu ginding tapi bukan berarti baru.
5). pikeun jamaah sunat berangkat enjing2, pikeun imam sunat berangkat nalika bade prak solat id.
berangkat bari mapah tur tumaninah (tentrem), mapay jalan anu tebih, nalika uih na mapay jalan anu langkung caket.
PRAKTEK SHOLAT 'ID.
Sholat 'id mangrupakeun khususiyyah umat Rosul (umat kapungkur mah teu aya sholat 'id).
Sholat 'id anu pangpayuna di pidamel ku Rosul nyaeta idul fitri taun ka 2 H.
Sholat 'id jumlahna 2 rokaat, praktekna kabagi dua,
1). AQOL, nyaeta saperti solat sunat biyasa dina syarat rukun sareng pasunatanana.
2) AKMAL, nyaeta sabada takbirotul ihrom tuluy du'a iftitah, tuluy maca takbir 7x sateuacan maca fatihah.
upami dina rokaat ka dua mah maca takbirna 5x.
nalika takbirna sunat ngangkat 2 panangan, sareng sunat antara pirang2 takbir di selang ku bacaan tasbih, tahmid, tahlil sareng haoqolah.
Upami pirang2 takbir ka kantun, maka teu sunat di gentosan dina nalika maca surat/i'tidal dll, bahkan teu sunat di sujud sahwian, margi kalebet sunat haeat, upami ngahaja sujud sahwi bari terang kana hukumna maka batal sholatna.
Bacaan surat anu sunat dina rokaat ka 1 nyaeta surat qof, rokaat ka 2 surat alqomar atawa rokaat ka 1 surat al a'la, rokaat ka 2 alghosyiyah.
KHUTBAH ID.
Saba'da sholat 'id di sunatkeun khutbah 2x pikeun jalma anu berjamaah, bari pameget sanajan musafir, atuh pikeun jalma anu solat id na munfarid teu sunat khutbah, nyakitu deui teu sunat khutbah pikeun jemaah istri kajaba khotibna ku pameget, tapi upami jemaahna istri wungkul, kari kari aya hiji istri (ustadzah) ngadeug teras ceramah (masihan pitutur) maka teu nanaon, tapi sanes khutbah.
Ket: Hasyiyyah bajuri juz 1 hal 226, perc alawiyyah.
Dina khutbah ka 1 sunat dikawitan ku maca takbir 9x, dina khutbah kadua takbir 7x,
Materi dina khutbah idul fitri utamana ngabahas zakat, dina idul adha mah ngabahas kurban.
TAHNI-AH (UCAPAN SELAMAT)
Di sunatkeun ucapan SELAMAT LEBARAN, disarengan ku mushofahah (Salianti musim corona),
kitu soteh upami sajinis *(pameget sareng pameget, istri sareng istri)* atawa beda jinis tapi ayat jihat mahrom, naha ku pedah nasab, sa susu atawa pedah janten mertua/minantu.
Upami beda jinis bari sanes mahrom tur teu aya hahalang maka hukumna haram.
[[Gusti, lebah dieu sok masih keneh geremet hate teh. Kumaha ieu teh? Kitu gerentes manah, upami mushofahah sareng kapi rai, kapi raka, atanapi boa sareng ajnabi oge? Ke urang emut-emut. Enya sugan? Duka atuh. Astaghfirullah, Gusti hapunten.]]
Sareng disunatkeun ngajawab Tahni-ah ku saumpama bahasa:
تَقَبَّلَ اللُه مِنکُم اَحیاَکُمُ اللُه لِاَمثَالِهِ کُلَّ عَامٍ وَاَنتُم بِخَیرٍ
"Mudah2an alloh nampi amal aranjeun sareng masihan umur dugika pantar na lebaran tiap taun bari aranjeun aya dina kasaean.
Ket: #Hasyiyyah bajuri juz 1 hal 224, perc alawiyyah.
#Almajmu syarah muhaddzab juz 6 hal 39-70
Perc DKI.
Wallohu a'lam.
Nuhun ka kang Lutfi Alfalahudin.... Ruri Sudrajat baheula.
