Eulis, basa salira munjungan dina mangsa wawanohan.
Galindeng soanten asa kapireng, “akang, nepangkeun abdi…”.
Duh, soca nu cureuleuk ngolébat dina lolongkrang kiceup.
Salira tungkul nyumputkeun imut, lambey ngawet mipit asih.
Sajorélat kiceup ngampih....
Salira mah moal terang,
antara harepan jeung hariwang
sok inggis asih nogéncang,
haté dipuntangan bingbang.
Tidak ada komentar:
Posting Komentar