RISALAH NGOBROL DINA SHOLAT MAYUN KA ALLOH PENGUASA JAGAT | RINDAT TAHIYAT

RISALAH NGOBROL DINA SHOLAT MAYUN KA ALLOH PENGUASA JAGAT | 

RINDAT TAHIYAT

1. Cengkat tina sujud kadua, kana tahiyyat (Bayangkeun.... dina gerbang istana, bray panto dibuka, nyampak Alloh, nyambut nu cengkat tina sujud -baca: nu datang seja nyanggakeun kahurmatan)

====Hamba Alloh, jalma nu sholat nu tahiyyat - tahiyyatna dijadikeun sidrotul muntaha - dipayuneun ngaikrarkeun. Tahiyyah Mubarokah, Sholawat anu Thoyyibah, kagungan Alloh.

====Kontan ngabales.....

2. Diqohru lisan, tuluy ngucap bari dijagi tina kabur pangacian. Alloh nu ngucap, sifat kalam dina lisan. Sifat qudrot dina badan, Irodat dina implengan, da henteu menta; ngan bae diri mere (padahal menta).

====Alloh TWT, nganubuwahkeun jalma sholat nu tahiyyat - nu nyanggakeun panghormatan -

3. Nu sholat dina tahiyyat, nampi gentra pangandika Ti Alloh Anu Kawasa.... SALAM pikeun anjeun Hey Nabi!!! oge ROHMAT tur BAROKAHna

4. Nu sholat dina tahiyyat, nampi SALAM dinabikeun, eta SALAM disebarkeun, 

====Ka tengen (katuhu) Sawabiqul Awwalin, -- Assalamu 'alaina.....

====Ka kiwa (kenca) Ashhabul yamin. -- Wa 'ala 'ibadillahis-sholihiin.

+++++ rindat reret juru soca, ka tengenna, ka kiwana. +++++ dilak soca, mangga baca.....

5. [Nu dihormat mere salam. Nampi salam disebarkeun. Tos kitu silih saksian....]

====syahadat diri..... Teu aya pangeran -nu hak diibadahan- lintang ti Alloh sahiji. Teu aya dua tiluna, teu aya opat limana.

====syahadat Gusti Nu Maha Suci,,, kanu sholat nu tahiyyat..... "NYAKSENI, YEN NU KAPUJI (muhammad -ngaran baheula, boh sifat ngancik ayeuna, mausufna nu sholatna) ETA JADI UTUSANna".

===========

++++ episode diri jeung Allohna, paduduan ngobrol, sili tembalna. +++++

===========

++++ eh.... aya nu hoyong ngiringa, jeung kituna diwidian .....

6. Mangsana silih saksian.... nyakseni hiji pangeran, nu kapuji janten utusan....

=====bray.... jandela muka, lul lol bari sholawatna.

=====di kamakeun, sapertikeun, ka Adam Abu Basyarna (ngaharewos: kapungkur ka papah Ibrahim abu Ismail, Alkarim abul Karim -kumaha we ketang-)

++++++cenah aya kanu sejen, ka Idris, Nuh, Hud, Sholehna....

++++++ keun wios, rukun sholatna, teu ruksak, dalah margina.... cekap sholawat pendekna, Allohumma Sholli 'alaa Muhammad.... ++++++ (Kitu janten alesanna, robih kama, teu batalna.)

7. Upami tea teraskeun, do'a dipimpin panjatkeun,

====== ngariung, ngajajar, dipayun, dipengker.....

====== hapunten nu tos kalangkung, tipayun, boh ti pengkerna. boh nyumput, boh nu negrakna, sadaya diuningana

====== upami tigubrag dlolim, hapunten abdi, kulawargi, ema, apa, katut mertua. Asih margi mikaasih. Sing nyaah, da mikanyaah.

++++++

8. Salam keur anjeun nu ngadu'akeun.... ku sholawat, nu dipanjatkeun.

==== salam, ku kitu disampurnakeun. nu sholat anu tahiyyat. da ngamalkeun kana ayat.....

==== shollu 'alaihi, wa sallimuu....

ASSALAMU 'ALAIKUM,

WA ROHMATULLOH.....

di ruh, ngawaler sampurna, WA BAROKAATUH, kewesna...

"upami dihormat, disalaman,

pek bales kunu pantarna, atanapi pang saena"

==========

==========

==========

9. Beres salam, ambah hirup bari eling.

Eling mangsa qiyamaan

Eling mangsa qu'uudan

Eling mangsa nyangigir 'ala junuubikum.

CAG.....

لاحول ولاقوة الا بالله