PAT S2 | SUNDA SMA X | RENCANA SOAL

 

PENILAIAN AKHIR TAHUN

SMA PLUS TAUHIDUL AFKAR

TAHUN PELAJARAN  2021 2022

MAPEL : BAHASA SUNDA

KELAS/JURUSAN : X / (IPA/IPS/BAHASA)

GURU : DUDI RIDWAN, S.Pd.I

1.       Hihi wangunan komunikasi dua arah dina wangun tanya jawab, pikeun meunangkeun informasi ngeunaan tujuan nu geus ditangtukeun samemehna.

A.      Wawancara

B.      Berita

C.      Warta

D.      Kawih

E.       Sajak

2.       Perhatoskeun pernyataan-pernyataan di handap ieu!

(1)   Nataharkeun strategi-strategi nu jadi pedoman wawancara

(2)   Ngalaksanakeun wawancara nu eusina aya Sasadu, Naros identitas, Pertarosan inti, ngahaturkeun nuhun, pamit.

(3)   Ngukur hasil boh berita atanapi deskripsi

(4)   Wawancara ka pribadi, ka jalma loba sareng dadakan.

(5)   Wawancara ka pasar GSP, pasar Cipanas, Panas Cigombong

Nu kalebet rupa-rupa wawancara aya dina pernyataan anu ka ....     

A.      (4)

B.      (3)

C.      (2)

D.      (1)

E.       (5)

3.       Salah sahiji nu kalebet persiapan teknis dina mayunan wawancara nyaeta .... kajabi ....

A.      Nyiapkeun alat perekam

B.      Alat komunikasi

C.      Alat tulis

D.      Nyayogikeun kaca soca

E.       Teu aya waleran nu leres

4.       Perhatoskeun conto wawancara di handap ieu!

(---) Nepangkeun abdi Ridwan, leres Bapak teh Kades Desa Sukanagalih? hapunten seja tumaros!

(++) Sumuhun. Oh, sumangga.

(---) Ari panglinggihan teh di mana?

(++) di Legokringgit

(---) Ari Bapak, sateuacan janten kades Sukanagalih, damel kana naon?

(++) Sateuacan abdi janten kades mah, sim kuring damel di Ka-RT-an.

(..........)

Dina conto di luhur, aya nu ngawawancara, aya anu diwawancara. Ari anu ngawawancara teh nyaeta ....

A.      Sukanagalih

B.      Kades

C.      Ridwan

D.      Ka-RT-an

E.       Legokringgit

5.       Kecap sasadu nu aya dina conto wawancara soal no. 4, nyaeta kecap ....

A.      Di Legokringgit

B.      Di Ka-RT-an

C.      Oh, sumangga

D.      Damel kana naon?

E.       Hapunten, abdi bade tumaros!

6.       Ari bagian-bagian dina warta aya anu disebat Headline, nyaeta ....

A.      Eusi warta

B.      Inti warta

C.      Tanggal warta

D.      Judul warta

E.       Anu ngawartakeun

7.       Perhatoskeun conto warta di handap ieu!

(Bandung, 17/12/2010) Wayang golék kiwari geus loba robahna, loba inovasi nu geus dilakukeun. Nu ngalakukeun inovasi dina wayang diantarana nya éta dalang Asep Sunandar Sunarya. Inovasi dina wayang téh aya nu panuju aya nu nolak.

Nurutkeun Asep Sunandar Sunarya, pikeun néangan bahan carita bisa tina sababaraha jalan. Bisa tina Koran, berita, bisa ogé tina kaayaan sapopoé. Wayang téh mangrupa alat pikeun nepikeun sagala hal ka masyarakat, ku sabab kitu dalang sakuduna terus ngalakukeun inovasi. Inovasi dina wayang ogé dilakukeun sangkan wayang ku masyarakat teu ditaringalkeun.

Dina unsur warta aya what jeung who. Tina warta di luhur nu kagolong unsur warta ‘who’ nyaeta ....

A.      Wayang golék kiwari geus loba robahna

B.      Asep Sunandar Sunarya ngalakukeun inovasi

C.      Inovasi dina wayang teh aya nu panuju aya nu nolak

D.      Alat pikeun nepikeun sagala hal ka masyarakat

E.       Bisa tina koran, berita, bisa oge tina kaayaan sapopoe

8.       Ari wayang golek, sakumaha diwartakeun diluhur, eta teh dijieun tina bahan....

A.      Cai

B.      Seuneu

C.      Beusi

D.      Kai

E.       Batu

9.       Ari anu ngulinkeun wayang disebutna ....

A.      Alok

B.      Sinden

C.      Artis

D.      Biduwan

E.       Dalang

10.   Ari wayang golek mangsana dipaenkeun ku dalang, sok ditancebkeun dina ....

A.      Gebok cau

B.      Barangbang kalapa

C.      Bak cai

D.      Ruhak pameuleuman

E.       Kai balokan nu teuas

11.   Tokoh wayang nu rarayna beureum, waosna ukur hiji, nyaeta ….

A.      Semar

B.      Dewala

C.      Gareng

D.      Cepot

E.       Bima

12.   Ari musik nu mirig kana tarian wayang golek nyaeta ….

A.      Keconcong

B.      Seriosa

C.      Jaipongan

D.      Jazz

E.       Rege

13.   Omongan kasar di kulawarga si Semar, biasana sok kaluar ti ….

A.      Semar

B.      Dewala

C.      Gareng

D.      Cepot

E.       Bima

14.   Ari tokoh wayang nu rupana monyet nyaeta ….

A.      Hanoman

B.      Arjuna

C.      Gatotgaca

D.      Semar

E.       Dewala

15.   Ari ciri khas nu aya dina dedeg pangadeg si Dewala nyaeta ….

A.      Jambul dina mastakana

B.      Irung panjang

C.      Sirah botak

D.      Hideung awakna

E.       Teu aya waleran nu leres

BAB 6 ..... CARITA BABAD

16.   Wanda carita anu ngandung ajén sajarah atawa raket hubunganana jeung sajarah diistilahkeun ku ngaran ....

A.      Pupuh

B.      Babad

C.      Ronggeng

D.      Pantun

E.       Drama

17.   Dina carita babad atanapi carita lianna sok aya disebut-sebut ngaran jalma. Hal sapertos kieu, ngilik unsur instrinsik mah kagolong ....

A.      Panokohan

B.      Latar

C.      Alur

D.      Jejer

E.       Amanat

18.   Dina carita babad aya tilu unsur utama. Nu eusina sanduk-sanduk atanapi nyuhunkeun widi ka Nu Maha Kawasa sareng ka para karuhun. Ari anu kieu eusina disebatna ....

A.      Alofon

B.      Klofon

C.      Telepon

D.      Teflon

E.       Demplon

19.   Perhatoskeun ieu sempalan wawacan Babad Galuh!

Pangkur

Nyai Ujung Sekarjingga, didangdanan beuteungna maké kawali, jiga nu

reuneuh nyemplu, dicandak ka payunan, disandingkeun calikna deukeut ka ratu,

kocap Ajar Patih datang, geus aya payuneun gusti.

.......

 

Sinom

Cing ayeuna geura buka, ku kami sing katingali, barang brak dibarukaan,

kawali henteu kapanggih, enggeus leungit tanpa lebih, kantun beuteung Ujung

nyemplu, lajeng reuneuh sayaktosna, héran kabéh nu ningali, tambah-tambah

ratu bendu sarta wirang.

 

Ari anu didangdanan beuteungna make kawali teh nyaeta ....

A.      Ajar Patih

B.      Ratu Galuh

C.      Nyai Ujung Sekarjingga

D.      Reuneuh Nyemplu

E.       Eunggeus leungit tanpa lebih

20.   Ari kawali teh pakakas atanapi parabot dapur nu gunana pikeun ....

A.      Ngarendos

B.      Diuk nagog

C.      Ngagoreng

D.      Nyaangan dapur

E.       Ngeureutan

21.   Kawali nu aya dina carita babad di luhur teh jadi hiji ngaran tempat nu aya di wewengkon ....

A.      Ciamis

B.      Cilacap

C.      Cianjur

D.      Garut

E.       Bogor

22.   Perhatoskeun sempalan Babad Panjalu di handap ieu!

Prabu Borosngora téh salah sahiji raja Panjalu. Kagungan putra dua, nyaéta Raden Aria Kuning sareng Radén Aria Kancana. Nalika ngarasa meujeuhna écag ngeureunan palay, marén muru ngabagawan, anjeun na milih Radén Aria Kuning pikeun nuluykeun, manjangkeun lalakon Panjalu. Sang Prabu mungkur tatan-tatan ngabagawan miang ka Jampang kalih kulawarga, kalebet Radén Aria Kancana.

Raden Aria Kuning jeneng raja, mingpin rahayatna kalayan wijaksana. Panjalu tingtrim kertaraharja. Hiji waktu anjeunna aya karep palay ngabedahkeun Situ Léngkong, tuluy ngutus mantri pikeun ngangkir ramana ka Panjalu. Hanjakal Prabu Borosngora nu tos sepuh teu tiasa nyumponan pangangkir putrana. Prabu Borosngora laju ngutus Raden Aria Kancana pikeun ngawakilan anjeunna.

Prabu Borosngora teh Raja ....

A.      Situ Lengkong

B.      Jampang

C.      Panjalu

D.      Aria Kuning

E.       Aria Kancana

23.   Pancakaki Prabu Borosngora ka Raden Aria Kuning teh nyaeta ....

A.      Nini

B.      Bibi

C.      Aki

D.      Rama

E.       Indung

24.   Pancakaki Raden Aria Kuning keur ka Aria Kancana teh nyaeta ....

A.      Mamang

B.      Alo

C.      Ua

D.      Incu

E.       Lanceuk

25.   Raden Aria Kuning mingpin rahayatna kalayan ....

A.      Tingtrim

B.      Wijaksana

C.      Ngabagawan

D.      Tatan-tatan

E.       Ngeureunan Palay

26.   Perhatoskeun silsilah keluarga di handap ieu!

(1)   Asep nikah ka Onah

(2)   Gaduh putra tilu, (1-) Esin, (2-) Ika, sareng (3-) Oshin

(3)   Esin nikah ka Sumargono

(4)   Ika nikah sareng Lamsijan

Ari Lamsijan Ka Esin eta disebatna ….

A.      Rai lambut

B.      Alo

C.      Mamang

D.      Toa

E.       incu

BAB 7 ..... AKSARA SUNDA

27.    tulisan ieu dibacana ....

 

A.      SMA PLUs tauhidul afkar

B.      Cibadak Pesantren

C.      Irfan Ilmi, S.Pdi.

D.      Jalan Hancet

E.       Cibadak girang

28.   tulisan sunda ieu upami dibaca nyaeta ....

A.      Wa Qa La Ha Ma Ka Xa Ra Sa

B.      Wa Qa La Ha Ma ka xa ra sa

C.      Ta ya Ca Pa Va Fa Pa

D.      Da Nya Ba Nga Ja Ga Na dtsa

E.       Gi Ma Na Te Lat Te rus?

29.   Aki hidep namina Rohman. Ku aksara sunda ngalagena janten ….

30.   Sajak teh salah sawios sastra sunda anu direka dina wangun basa ugeran atanapi nu sok disebat .....

A.      Dongeng

B.      Drama

C.      Puisi

D.      Novel

E.       Carpon

31.   Bahasa sunda tradisional baheula sok katelahna bahasa .....

A.      Buhun

B.      Jadul

C.      Ortodok

D.      Kuno

E.       Anyar

32.   Puisi teh rupa-rupa, diantarana aya puisi anu dipakena ku barudak, nyaeta ....

A.      Jangjawokan

B.      Kakawihan

C.      Jampi

D.      Singlar

E.       Jampe

33.   Puisi sunda anu sok dipake dina kagamaan, kayaning ngantosan sholat. Puisi nu dipakena nyaeta sa’ir .....

A.      Hihinaan

B.      Wawangsalan

C.      Pupujian

D.      Sawer

E.       Sisindiran

34.   Cara maca sajak sangkan beunang rasana, aya sababaraha cara, nyaeta ku ....

A.      Digorowokeun

B.      Digalantangkeun

C.      Dihariringkeun

D.      Dilenyepan ku hate

E.       Waleran leres sadayana

35.   Perhatoskeun sajak di handap ieu!

Di bulan Nini keur anteng

ngentrung ninun kaén poléng

awak Nini mani bongkok

balas terus baé ninun

meureun geus rebuan taun.

Nini nu aya di bulan ceuk urang Sunda mah nyaeta ....

A.      Nini lamsijan

B.      Nini Kabayan

C.      Nini Bagenit

D.      Nini Lampir

E.       Nini Anteh

36.   Dina sajak di luhur aya kecap ninun, nyaeta ....

A.      Nyieun bata

B.      Nyieun coet

C.      Nyieun kenteng

D.      Nyieun bedog

E.       Nyieun kaen

37.   Ari kecap ‘bongkok’ dina sajak di luhur nyaeta ....

A.      Sirahna semu dengdek

B.      Panonna sipit

C.      Biwirna jebleh

D.      Ceulina rebing

E.       Awakna semu dongko

38.   Ari bulan teh katinggalna buled sampurna (bulan purnama) dina tiap-tiap sasih teh  kaping ....

A.      14

B.      1

C.      10

D.      28

E.       Teu aya kaping nu leres

39.   Ari kecap ‘bulan alaeun’, maksudnya nyaeta ….

A.      Bulan tos cakeut ka bumi

B.      Bulan geus kolot

C.      Bulan geus seungit

D.      Bulan ka opat ngandungna hiji istri

E.       Bulan ka salapan istri nu ngandung

40.   Ari jalmi nu karek borojol dijurukeun disebatna ….

A.      Piyik

B.      Burayak

C.      Cingok

D.      Orok

E.       Ciak

Selamat mengerjakan!

RINGKESAN BABAD PANJALU | BAHASA SUNDA

RINGKESAN BABAD PANJALU

BAHASA SUNDA

Prabu Borosngora téh salah sahiji raja Panjalu. Kagungan putra dua, nyaéta Radén Aria Kuning sareng Radén Aria Kancana. Nalika ngarasa meujeuhna écag ngeureunan palay, marén muru ngabagawan, anjeunna milih Radén Aria Kuning pikeun nuluykeun, manjangkeun lalakon Panjalu. Sang Prabu mungkur tatan-tatan ngabagawan miang ka Jampang kalih kulawarga, kalebet Radén Aria Kancana.

Radén Aria Kuning jeneng raja, mingpin rahayatna kalayan wijaksana. Panjalu tingtrim kertaraharja. Hiji waktu anjeunna aya karep palay ngabedahkeun Situ Léngkong, tuluy ngutus mantri pikeun ngangkir ramana ka Panjalu. Hanjakal Prabu Borosngora nu tos sepuh teu tiasa nyumponan pangangkir putrana. Prabu Borosngora laju ngutus Radén Aria Kancana pikeun ngawakilan anjeunna, Sadugina di tapelwates dayeuh, Radén Aria Kancana katut ponggawa ngantos dipapagkeun ku rakana. Orokaya Radén Aria Kuning kalah sukan-sukan ngala lauk. Ningal polah rakana kitu, Radén Aria Kancana bendu tuluy ngaburak-barik dayeuh nepi ka antukna patelak pisan jeung rakana.

Éta kajadian téh dugi ka Prabu Borosngora. Satuluyna anjeunna ngutus Kampuh Jaya nu dipercaya bisa ngungkulanana. Antukna nu paraséa téh alakur deui. Aria Kuning masrahkeun kalungguhan ka raina, Aria Kancana. Ti harita Aria Kancana ngadeg bupati ngagentos rakana.

Ti dinya Kampuh Jaya dipaparin jujuluk Sang Guru Haji. Satuluy na anjeunna diistrénan jadi patih di Panjalu, paheuyeuk-heuyeuk ngolah nagara sinareng sang raja Aria Kancana. Panjalu tinemu deui jeung katengtreman.

Aria Kancana digentos ku putrana nu cikal, Sanghiang Téko (Dalem Cilangkung). Panjalu saterusna dipingpin ku seuweu-siwi Dalem Cilangkung, kayaning Aria Kadali, Radén Marta Badadahin, Radén Marta Baya, Radén Aria Nati Baya, Dalem Sumalah, Aria Sacanata, Radén Wira Baya, Radén Wira Dipa, Radén Wira Praja, Cakranagara jeung saterusna.

LATIHAN

1. Naon téma carita babad di luhur?
2. Tataan para palaku, watek jeung peran atawa kalungguhanana!
3. Dimana latar tempat jeung waktu, sarta kumaha sausanana?
4. Make galur naon eta carita babad téh?
5. Naon amanat anu aya dina carita babad di luhur?
6. Teangan hubungan tokoh jeung kajadian ieu carita babad dina kanyataan ayeuna!

Daftar Pustaka:

https://bahasasunda.id/ringkesan-babad-panjalu-bahasa-sunda/

Carita Babad - Babad Galuh

Wawacan Babad Galuh Asal-Usul Ngaran Kawali

Pangkur

…

      Nyai Ujung Sekarjingga, didangdanan beuteungna maké kawali, jiga nu

reuneuh nyemplu, dicandak ka payunan, disandingkeun calikna deukeut ka ratu,

kocap Ajar Patih datang, geus aya payuneun gusti.

      Lajéng Ajar téh haturan, jisim abdi ngahaturkeun pangabakti, éta rupina

sakitu, lajéng Ratu mariksa, éta naon geuning kawas rupa daun, pék Ki Ajar téh

haturan, reundeu asal ti nu ngirim.

      Lamun kitu mah petana, manéh Ajar méré seredan ka aing, Ratu beuki

tambah bendu, manéh Ajar kawasa, cing seug taksir mangkéna ngajuru, ieu

pamajikan urang, medal pameget ta istri.

      Ratu ngandika ka Ajar, ieu kasakit ku manéh kudu leungit, manéh anu

nyieun kitu, Ajar henteu tarima, teu mupakat pada jalma nyieun kitu, wondéning

kudu walaras, éta sagala panyakit.

      Sugan baé katarima, sembah puji ka Pangéran sajati, miwah kangjeng

pararosul, ngan éta Nu kawasa, ngaleungitkeun kana sagalaning mahluk, nu

aya di alam dunya, di lahir reujeung di batin.

      Ajar tuluy ngawalonan, nun sumuhun perkawis pariksa Gusti kumaha

kersana ratu, menggah taksiran abdi mah, ari babar mangké éta Nyai Ujung,

geus kantenan moal cidra, putrana éta lalaki.

      Ratu gancang ngabebenda, Ajar manéh téh henteu sayakti, ayeuna kudu

dihukum, sababna hatur dora, lain reuneuh enya sotéh éta nyemplu, meunang

kami ngadandanan, dititah ngandung kawali.

      Tuluy Ajar seuseurian, henteu pisan aya suker saeutik, kajeun teuing Ratu

bendu, manéhna henteu susah, da geus tangtu éta kersana Yang Agung, moal

beunang diowahan, budakna medal lalaki

…

Sinom

…

      Cing ayeuna geura buka, ku kami sing katingali, barang brak dibarukaan,

kawali henteu kapanggih, enggeus leungit tanpa lebih, kantun beuteung Ujung

nyemplu, lajeng reuneuh sayaktosna, héran kabéh nu ningali, tambah-tambah

ratu bendu sarta wirang.

      Éta kawali didupak, ku Ajar keur waktu tadi, saméméhna dibukaan, ku Ajar

enggeus ditarik, ninggangna ka sisi cai, dina sakuloneun lembur, ngaranna téh

Selapanjang, mana disebut Kawali, mana éta kitu tina caritana.

      Tuluy Ajar dibuburak, ku Ratu dititah balik, barang Ajar enggeus mulang,

Ratu nimbalan ka Patih, éh Patih jeung paramantri, geuwat ku manéh sarusul,

Ajar téh geura paéhan, cacag mangka bijil peujit, tuluy budal Patih reujeung

balad-balad.

      Ajar kasusul di jalan, direjeng ku paramantri, dicacag ditarumbakan, tapi

teu mental sahiji, keris tumbak reujeung bedil, kabéh éta mararintul, taya nu

néwek pisan, tuluy Ki Patih ngalahir, kersa Ratu Ajar kudu dipaéhan.

      Ditumbak kudu getihan, sarta kudu tijumpalik, éh kutan kitu kersana,

sumangga baé Ki Patih, mana kitu enggeus jangji, da kitu kersana Ratu, tuluy

Ajar téh ditumbak, sarta barijilan getih, tapi éta getih téh hérang kacida.

 

Sumber: https://sinarpembelajaran.blogspot.com/2015/11/wawacan-babad-galuh-asal-usul-ngaran.html

PENILAIAN AKHIR TAHUN _ 2022 | MTS. TAUHIDUL AFKAR (MASTA)

MASTA

SENIN

SELASA

RABU

KAMIS

JUM'AT

Jumat, 3 Juni 2022

1.Matematika

Kelas 7 : https://docs.google.com/forms/d/e/1FAIpQLSfTD1iaH8r5PMGk24sKpbU8IHYdyf7rxfmCSu7ADqDfSGweTw/viewform?usp=sf_link

kelas 8 :  https://docs.google.com/forms/d/e/1FAIpQLScVDtn--enckFmA9BnzU_Sz0AdfL1PZYl0pHdWGC5g1qrnCwQ/viewform?usp=sf_link

2.IPS

kelas 7 :  https://docs.google.com/forms/d/e/1FAIpQLSdRdb-dyLNydyufPnke0Bj4rDEx8_ss96P4ZsS_wnRDES_Vcg/viewform

kelas 8 : https://docs.google.com/forms/d/e/1FAIpQLSeOyFfURS_nW1wxexOHq-rn2yXBLVyCuY6AhT2eY6vj7_mQLg/viewform

SABTU

MINGGU

LIBUR