Ngabahasakeun _ Saha Alloh? waler ku sifat 20.

Assalamu'alaikum

Bismillah, Alhamdulillah, Shalawat sareng Salam.

Saha Alloh?

Waler ku sipat 20.

Alloh wujud, aya.

Aya-na Alloh qidam (la awwala lahu // Teu aya kawitannana)

Kumargi Alloh qidam otomatis baqo (la aakhiro lahu // moal aya panungtungan).

Alloh anu wujudna qidam sareng baqo,..... ngajurung kana buktosna yen Alloh teh

Mukholafah lilhawaditsi (benten sareng anu alanyar, benten sareng makhluk).

Mukholafah lilhawaditsi ngajurung Qiyamuhu binafsihi (Ngadeg Ku Salirana Ku Anjeun).

Alloh teh benten sareng makhluk, Alloh teh ngadeg ku salirana ku anjeun, maka tangtos Alloh wahdaniyah (hiji, sahiji) 

Sahijina Alloh, -taya bandingan, taya nu nyamian, taya nu gaduh peran kana nyiptakeunnana, Da Alloh mah teu diciptkakeun, justru Alloh anu nyiptakeun sagala rupa perkara.

Alloh nu sahiji, ngadeg ku dzatna ku anjeun, nu benten sareng makhlukna, maka Alloh misti ....

Qudrot, kawasa

Iradah, keresa.

anu mana qudroh, sareng irodahna misti disarengan ku Elmu, panguningana.

Qudrot, iradah, elmu nu ngajadi sifat Alloh, misti disarengan ku sifat HIRUP.

Anu dzat anu hirup, tiasa....

Sama' (ngadangu)

Bashor' (ninggal)

Kalam (ngandika)

===========================

Qudroh, irodah, elmu, hayat, sama jeung bashor nerap di makhlukna....

(sifat nu tina adegan mashdar nu teu kawengku ku waktu),

Teu kawengku ku waktu sabab dianggena eta sifat ku saha bae. ku nu dipayun, kunu tipengker, kunu ayeuna, kunu kamari; kunu sepuh, kunu anom.

Qudrohna makhluk nu seueur.... pasian, keretan, kumaha ikhtiarna makhluk.

mangsana nerap di Alloh ngajadi Qodiiron. (Alloh anu kawasa)

Anjeun, hey makhluk, qudrot kana 1 (hiji), qudrot dulur, kana 2 (dua), qudrot turunan/murangkalih kana 3 (tilu), qudroh karuhun kana 4 (opat), maka Alloh mah Qodiron kana 1, 2, 3, 4.

Anjeun, hey makhluk, kalam. Kalam anjeun basa Arab, kalam kula bahasa Sunda, kalam manehna bahasa Persi, maka Alloh mutakaliman tiasa ku Arab, tiasa ku Sunda, tiasa ku Persi. Alloh uninga ka saha bae makhlukna, upami tea dikhitab, dikalaman, maka ku bahasa anu eta makhluk tiasa sareng ngartosna.

Mangsana aya kalam. Alloh mutakalim.

maka..... Alloh....

Qodiron, muridan, 'aliman

Hayyan,

Sami'an, Bashiron, Mutakaliman.